Software sistema bat da, Web 2.0 teknologiak aplikatzen dituena, Berrikuntza Estrategikoaren testuinguruan Enpresa Sare Sozialak sortzeko
helburuarekin eta, finean, MONDRAGON Korporazioaren baitan ekintzailetzako jardueretan partaidetza sozial handiagoa izateko xedearekin.

Horrenbestez, ELKARBIDEren funtzionaltasunen artean, sare sozial orok dituenez gain, honako hauek nabarmentzen dira:

• MONDRAGONeko BACen helburuen gaineko informazio deskriptiboa.
• Jakintza eta esperientzia berritzaileak partekatuz sortzen den interkonexio pertsonala eta ernalketa gurutzatua sustatzeko ekitaldiei eta jarduerei buruzko iragarkiak.
• BACeko kudeaketa prozesuen gobernantza, baita proiektuen aurrerapenari buruzko adierazleen panel bat ere.
• Ekintzaileen foroa, esperientziak partekatzeko eta enpresa ekimen berrien sustatzaileek elkarri euskarriak emateko.
• Ekintzaileen esku jartzeko baliabideak, hala nola ekintzailetza kasuei buruzko dokumentazioa, negozio planak lantzeko txantiloiak eta aplikazioak, etab.

ELKARBIDE www.elkarbide.com helbidean eskura daiteke dagoeneko, eta MONDRAGON Korporazioko enpresetako bazkideetara mugatuta dago,
aurretiaz izena eman eta gero, Business Acceleration Center-en jardueraren informazioa jaso nahi badute eta gaiari buruzko ekarpen berritzaileak
egin nahi badituzte.

Nahiz eta oraindik enpresek ez duten ondo barneratu Web 2.0 aplikazioen onurak, mundu mailan hauen adopzioa geroz eta handiagoa da. Hala erakusten du McKinsey kontsultariak burututako hiru urtetako ikerketako azken txostenean. Beste ondorio batzuren artean azken txosten honek parte hartu duten enpresen artean 69%-k onartzen du Web 2.0 teknologien adopzioari onura neurgarriak lortu dituztela eta enpresen erdiak baino gehiagok Web 2.0 teknologietan inbertsioak areagotzeko asmoa daukate.

PARTAIDETZA proiektuaren barnean egindako ikerketari dagokionez Web 2.0 teknologien ala tresnen adopzioa Gipuzkoako enpresetan mundu mailako ikerketen emaitzen parean dago teknologia tresna batzuei dagokionez. Hala ere, gipuzkoako enpresak ez dira gai lortutako onurak neurtzeko blogak, wikiak, sare sozialak eta bideoak bezalako tresna nagusien adopzioa eskasa bait da.

Onarpen eta ezarpen handiena daukaten Web 2.0 tresnak SaaS aplikazioak eta bat-bateko mezularitza dira dudarik gabe. Bestalde, blogak, wikiak, RSS irakugailuak eta sare sozialak bezalako trensa helduak, nahiz eta ezagunak izan eta balorazio onak jaso erabilera pertsonalerako ez dira garrantzitsutzat jotzen enpresen esparruan erabiltzeko.

Microblogging-a eta elkarlanerako barrikuntzarako plataformak bezalako tresna berrien erabilerari dagokionez ez dira guztiz onartuak enpresa esparruan, agian tresna horiekiko ezjakintasunagatik. Aipagarria da ordea, elkarlanerako barrikuntzarako plataformen erabilerarekiko interesa bezero, erabiltzaile, hornitzaile eta kidekin elkarlanean aritzeko. Honek, tresna hauei ate bat irekitzen die hornitzaileek balio proposamen sinesgarri bat eraiki dezaten.

Bestalde, aipagarria da ere podcasting, berri argitaratzaile sozialak eta markatzaile sozialak bezalako tresneekiko interesik eza. Hiru kasutan ezjakintasun maila haundia dago, beraz ezjakintasun hau egon daiteke interesik eskas horren atzetik. Podcasting-en kasua deigarria da, izan ere McKinsey-ek mundu mailan burututako ikerketetan aintzakotzat hartzen den tresna da.

Azkenik, tresna ezberdinak hautatzeko oztopoei dagokionez zuzendaritzaren inplikazioa, kultura edota estruktura jerarkikoak bezalako faktoreak ikusten dira oztopo nagusi bezala. Hauekin batera, tresna horiek ekar zezaketen onura ekonomikoekiko eszeptizismoa ere faktore garrantzitsu bat da.

Informe osoa hemen dago eskuragaia gazteleraz.